بتحب مين؟؟

بتحب مين؟؟
هو دا سؤالى ليك و ليكى النهارده
سؤالى
لكل شاب ماشى بالسيجاره فى ايده و السماعات فى ودنه مشغل فيها كل اغنيه
جديده نزلت
سؤالى لكل بنت لسه لابسه جينز و بادى و بتقول عليه حجاب
سؤالى
ليكم كلكم انتو بتحبو مين؟؟
بتحبو ربنا؟؟؟؟
بلاش
السؤال دا .. اصل محدش هيقدر يقول لا
طيب ربنا رقم
كام فى حياتك؟؟؟!!!
يعنى بتحس بايه لما تسمع
الاذان؟؟
بتقوم تصلى ؟؟
على طوول؟؟
و لا انت مبتصليش اصلا
و انت يا اختى بتحسى بايه لما تسمعى نداء الله
عز و جل
انت عارف قدر الله ايه؟ انتى عارفه قدر الله ايه؟؟
طيب عارف
قدرك انت عند الله ايه؟؟؟؟؟!!!
ايوه انت
انت
ياللى بتفضل سهران طول الليل و مش بتصلى الفجر
وانت ياللى ماسبتش فيلم
ولا اغنيه الا و سمعتها و مش بتفتح كتاب ربنا
وانتى ياللى بتمشى فى
الشارع البارفان بتاعك جايب اخر الشارع و انتى عارفه انه حرام
ايوه انتو
ياللى بتضيعو ساعات فى ماتش كوره و
متستحملوش ساعه تسمعو فيها عن ربنا
انتو عارفين قدركم و قيمتكم عند ربنا
اللى احنا بنعصيه ليل نهار؟؟
انتو قدركم كبير اوى اوى
انتو اللى
ربنا اختاركم من وسط العالم من وسط سته مليار عشان تشيلو دينه
انتو اللى
اتولدتو مسلمين من غير اى مجهود و كل يوم بيموت كام الف واحد على الكفر و
بيخلد فى النار
انتو اللى ربنا اورثكم الكتاب و اصطفاكم {ثُمَّ أَوْرَثْنَا الْكِتَابَ الَّذِينَ اصْطَفَيْنَا
مِنْ عِبَادِنَا فَمِنْهُمْ ظَالِمٌ لِّنَفْسِهِ وَمِنْهُم مُّقْتَصِدٌ
وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ذَلِكَ هُوَ الْفَضْلُ
الْكَبِيرُ} فاطر 32
انتم اللى ربنا بيسأل عليكم كل يوم مرتين
كما صح عن رسول الله صلى الله عليه و سلم ( يتعاقبون
فيكم ملائكة بالليل وملائكة بالنهار ، ويجتمعون في صلاة الفجر ، وصلاة
العصر ، ثم يعرج الذين باتوا فيكم ، فيسألهم ربهم - وهو أعلم بهم : كيف
تركتم عبادي ؟ فيقولون : تركناهم وهم يصلون ، وأتيناهم وهم يصلون )
انت كده؟؟؟ و انتى كده؟؟؟
ولا
الملائكه هيقولو عنكم اتيناهم نائمون و تركناهم يلعبون
لسه قلوبكم
متحركتش ؟؟ لسه معرفتوش من يستحق الحب؟؟
انا كلامى ليك... لسه بتقول انك
بتحبها حب عفيف و انتى لسه بتقولى مقدرش استغنى عنه
طيب هى ولا ربنا؟؟
وانتى .. هو لا ربنا؟؟
ربنا اللى شايفك فى كل لحظه بتتجرأ عليه فيها
ربنا
اللى عارف انت اتنفست كام نفس من يوم ما اتولدت و فاضلك كام نفس لحد ما
تموت
ربنا اللى قلبك فى ايده سبحانه و تعالى و كل جوارحك فى ايده
ربنا
اللى بنعصاه بنعمه
كل ده و هو سايبنا و مدينا فرص كتيييييييير و مع ذلك
احنا مش بنحس
ربنا قادر ينتقم منك مجرد ما تفكر فى المعصيه
قادر ولا
لا؟؟
قادر يحرمك من بصرك و سمعك و ايدك و رجلك
قادر ولا لا؟؟
ربنا
قادر ينزل عليكى غضبه و انتى ماشيه تفتنى الشباب بلبسك اللى ميرضيش ربنا
قادر ولا لا؟؟
و مع ذلك بيسامح و يعفو ويرحم
كل
الكون بيكره العاصى و نفسى ينتقم منه لكن مين اللى مانعه ؟؟
عارف مين؟؟
اللى انت بتعصيه
سبحانك يا رب و بحمدك
على حلمك بعد علمك
سبحانك يا رب و بحمدك على عفوك بعد قدرتك
اقرا
بقلبك و اتكسف و ابكى
يقول الله عز وجل:
ما من يوم تطلع شمسه إلا
وتنادي السماء تقول يا رب إ إذن لي أن اسقط كسفا على ابن آدم، فقد طعم خيرك
ومنع شكرك. وتقول البحار يا رب إ إذن لي أن اغرق ابن آدم فقد طعم خيرك
ومنع شكرك. فيقول الله تعالى دعوهم دعوهم لو خلقتموهم لرحمتوهم أنهم عبادي
فإن تابوا إلي فأنا حبيبهم، وأن لم يتوبوا فأنا طبيبهم" رواه الإمام احمد
بن حنبل في مسنده"
ايه رأيك يا اخى؟؟
ايه رأيك يا اختى؟؟
هل يعصى
هذا الرب الرحيم؟؟؟؟
هل يصلح ان نقابل هذه الرحمه بالجحود؟؟
اوعدنى
يا اخى
اوعدونى
لما تسمعو الله اكبر
قولو الله اكبر
سيبو اللى
فى ايديكو
روح للملك الكريم بيته و مش هيردك ابدا
و الله بيفرح
بتوبتك و هو غنى عنك
روح يا اخى و الحق نفسك
و الحقى نفسك يا اختى

﴿وَالسَّمَاء بَنَيْنَاهَا بِأَيْدٍ وَإِنَّا
لَمُوسِعُونَ *وَالْأَرْضَ فَرَشْنَاهَا فَنِعْمَ الْمَاهِدُونَ*وَمِن
كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ*فَفِرُّوا
إِلَى اللَّهِ إِنِّي لَكُم مِّنْهُ نَذِيرٌ مُّبِينٌ*وَلَا تَجْعَلُوا
مَعَ اللَّهِ إِلَهاً آخَرَ إِنِّي لَكُم مِّنْهُ نَذِيرٌ مُّبِينٌ﴾
(الذاريات:47-51 )


فستذكرون ما أقول لكم وأفوض امرى إلى الله
أن الله بصير بالعباد